lone life
ميلانستاوى فضى
عدد الرسائل : 225
تاريخ التسجيل : 23/06/2009
 | موضوع: حوار عائلي قلق هههههه ام واب فلسطيني  الخميس 31 ديسمبر 2009, 3:34 am | |
| الأب مخاطب الابن : تعال ياض
الابن و بكل براءة : نعم
الأب :نعامة ترفصك ... تعال حيوان
الابن :ليه في ايه سويت؟
الأب : سواك ضريب يخلع رقبتك
نطت الام معهم عطريق زي اللقمة بالزور
الام : شاوي يشوي عضمك ....رد على ابوك بأدب وله
الابن : هوه انا حكيت شي؟
الأب:حكحكوا جنابك بالعصايه اوقف عدل يا حيوان
الابن : حاضر
الأم :يحضروا على قبرك ان شالله ... لما ابوك يحكي انت بتخرس
الابن :أخرس؟
الأب : ايوه ان شالله خرسه
الابن: ماشي
الأم: اجاك مشش بركبك ما تقوم منه ان شالله
الابن :مشش ؟؟؟ليه هاذا المشش؟؟
الأب: اما انك قليل حيا ..وبترد على امك كمان ؟ هات العصاي وتعال وله
الابن: انا رديت على امي؟ يمّـه احكي كلمه
الأم: موا يمزع نيـعـك وله ....حكيتلك اخرس
.... الابن الان اصبح مغلوب على امره ومش فاهم ايش الموضوع وصمت....
الأب: أما جيل قليل حيا...احكي وله ... مالك انخرست
الابن : شو احكي؟ اذا حكيت بتقولوا عني قليل حيا وبتشوفوني غلط
الام :حيه الي تقرصك انشالله ... قلتلك تأدب وانت بتحكي مع ابوك
الأب : ايش 'بتشوفوني غلط' هاي ... شايفنا عميان ولا حول ؟
الابن : لا اله الا الله
الأم : الله يوخذك انشالله .... يا ريتني خلفت ابن الجيران ولا انت
الأب: انا مش عارف هاذا الولد متى بده يصير زلمه...دايما فاظحني بين الرجال
الابن: طيب شو اعمل عشان تشوفني زلمه ؟
الأب: قلتلك اخرس وله
الابن: يا الله .... يا الله ... يا جماعه شو مالكوا ... شو فيه ؟
الأم: اه صحيح انت ليش ناديت عالولد يا زلمه ؟
الأب :بتصدقي يا مره اني نسيت.... نساني شو كنت بدي منه هالكلب
الاب : خلص روح ارجع على غرفتك يابا.
وانتهى الحوار
| |
|
smsma
ميلانستاوى ذهبى
عدد الرسائل : 302
العمر : 31
تاريخ التسجيل : 13/03/2008
| | موضوع: رد: حوار عائلي قلق هههههه ام واب فلسطيني الإثنين 04 يناير 2010, 9:34 pm | |
| hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh
wane3m el7war | |
|
lone life
ميلانستاوى فضى
عدد الرسائل : 225
تاريخ التسجيل : 23/06/2009
| | موضوع: رد: حوار عائلي قلق هههههه ام واب فلسطيني الثلاثاء 05 يناير 2010, 5:45 am | |
| هههههههههههههههههههههههههههههههههههه  | |
|
