شوية مواقف جامدييين اخر حاجه

المحشش والجني


محشش عايز يأجر بيت ونصحوه ما يأجروش لإنه في جني بيخوف

بس ما سمعش كلامهم وأجره برضه

جا الليل قام الجني وقال لزمايله هآطلع أخوفه

طلع الجني وآعد جنب المحشش وقاله ممكن سيجارة ؟؟؟

بص له المحشش وقال إتفضل

نزل الجني عند زمايله وهو متنرفز وقالهم ما خافش ؟؟؟

رجع الجني شرَّح نفسه وخلا الدم يشرشر من جلده وطلع عند المحشش وقاله ممكن سيجارة ؟؟؟

بص له المحشش وقاله إتفضل

الجني إتجنن ونزل لزمايله وقالهم المرة دي هآموته من الرعب

قام شال عيونه ولف رأسه وكسر إيده وطلع عند المحشش وقاله ممكن سيجارة ؟؟؟

بص له المحشش وقاله إتفضل

هنا الجني طلعت في رأسه نخلة وطار عقله ونزل تحت وبهدل نفسه آخر بهدله وطلع العامود الفقري وخلى جلده مشرشر وقلب عيونه وطلع عند المحشش وقاله ممكن سيجارة ؟؟؟

بص له المحشش وقاله

مش ملاحظ إن التدخين عمَّال يدمر في صحتك ...!!!؟؟؟

ـــــــــــــــــــــــــــــــــــــــــــــــــــــــــــــــــــــــــــــــــــــــــــ





الاستاذ الندل

لم يبقى على موعد الامتحانات سوى عدة أيام، حين اتفق أربعة من طلاب إحدى الكليات على قضاء يومين أو ثلاثة أيام في منطقة نائية للاستمتاع، لاعتقادهم أنهم سوف يعودون بذهن صافي قادر على الإجابة على الأسئلة وهناك غرتهم مناظر الطبيعة الخلابة فتأخروا ووجدوا أنهم لن يتمكنوا من حضور الامتحان الأول.
ففكروا بحيلةيخلقونها لأستاذهم كي يعيد لهم الامتحان في يوم لاحق وبالفعل اخبروه بعد عودتهم أن احد إطارات سيارتهم انفجر في طريق العودة ليلاً في مكان مظلم وخالي من السكان، لذا اضطروا إلى الانتظار لليوم التالي لإصلاح الإطار....

ووافق الأستاذ على تأجيل الامتحان لهم


وفي اليوم المحدد للامتحان طلب الأستاذ من الطلاب الأربعة أن يجلس كل منهم في زاوية من قاعة الامتحان بحيث لا يستطيع أحدهم رؤية ما يكتبه زميله وفوجئ الأربعة بورقة أسئلة تتضمن الأسئلة التالية:




1.أي إطارات السيارة الأربعة انفجر؟



2.كم كانت الساعة وقت حدوث الحادث؟



3.من منكم كان يقود السيارة في ذلك الوقت؟




الإمضاء..
أستاذ نذل
ــــــــــــــــــــــــــــــــــــــــــــــــــــــــــــــــــــــــــــــــــــــــــ
تدرج طلب الجواز في مصر



مصر الفرعونية
بابا انا عايز اتجوز حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية..
مبروك يا تاح

مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك يللا

مصر بعد الفتح الاسلامى
ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال ... وايش اتمنى غير رجل صالح يكون زوج لبنتى ..

قيموا الافراح

مصر ايام المماليك
- صديقى محمد بك اتشرف انا كاظم بك الدفتردار سليل عائلة شركس بك الخازندار بطلب يد كريمتكم زهرة باشا لابنى اغلو بك
- خسيس مارسيس ادبسيس ازى قول زهرة باشا يتجوز اغلو بك؟ مافيش فهم ؟! مافيش تمميز؟! ازاى باشا اتجوز بك؟!



مصر 1919
انت ح تتجوز بنت الحاج عبد الجليل .. انا كلمته خلاص ووافق ... وضب قوضتك وهات خلخال ... فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا

مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية . وماهيته مش بطالة .. اهو يبنوا حياتهم سوا بعد الجواز... والا ايه رأيك يا أم العروسة؟
الرأى رأيك يا أبو العروسة ... والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى

مصر 1980
اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما

مصر 1990
البنت: بابا ريكو حييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى

مصر 2008
بابى دودى اللى اتعرفت عليه من الشات مشغل الويب كام و عايز يكلمك علشان يقرا معاك الفاتحه اصله ملتزم اوى و مصمم يدخل البيت من ماسنجره قصدى من بابه
الاب: على خيرة الله يا بنتى ده شكله فعلا ملتزم روحى شغلى الكاميرا و الميك واناهلبس انا و مامتك ونجى نقرا الفاتحه مش انتوا اتفقتوا على كل شى يا روحى يلا ربنا يتمملكم بخير


مصر 2018
البنت: انا مأنتمة مع فوفة زميلى فى السكشن وكل الشلة عارفة .هنتجوز بعد الامتحانات. دعوة الفرح لشخصين موجودة على التلاجة. اوعى تنسى الدعوة لحسن البادى جاردس بتوع الكافية ميرضوش يدخلوك.
مستنياك انت وماما .. اوعى ماتجيش .. يلا باى
ملحوظة : ممنوع اصطحاب الاطفال الصغار لان الكافية للكبار فقط يعنى بلاش مودى ورانيا ييجوا معاك
(طبعا فهمتم مين هما مودى ورانيا ... اخواتها يا ناصح)

مصر 2030
البنت: كريم انا زعلانة منك
ابوها (اللى هو طبعا كريم) : لية يا لولا؟
البنت : انت لية ماجتش سبوع ميدو؟
الاب : ميدو مين؟
البنت : ابنى....؟!
بتقولى مين : الاب



؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!