ماتش النهارده الزمالك أسبت فية فعلا أنه فريق محترم ويقدر يغلب الاهلى بكل سهولة بس اللعيبة تفضل على نفس الروح دية بجد ظروف الماتش كانت صعبه أوووى على الزمالك 15 لعيب فى قائمة الماتش أصابة نجم الدفاع المصرى والزملكاوى هانى سعيد فى أول المبارة تربك حسابا اى جهاز فنى كمان أصابة محمود فتح الله فى الماتش نقطة تحول لصالح الاهلى وأقسم بالله العظيم لو الزمالك كمل ومحمود فتح الله كمل الماتش كان الزمالك طلع فايز لأن بكل بساطة الزمالك لعب أفضل مبارة له من 4 سنين وبجد الاهلى ما كنتش قادر يجارى الزمالك فى لعبه وروح لعيبية فأنا بتقدم بالشكر لكل لاعب فى الزمالك لأن أى فريق فى هذه الظروف ما تتوقعش منه الاداء ده وعلى الاخص عبدالواحد السيد وأجوجو ومحمود فتح الله وجمال حمزة بس أنا اتمنى من جمال يلعب بالروح دية على طول ويبعد عن المشاكل وكمان اللعيب اللى الكل مش واخد باله منه أحمد مجدى نجم فوق العادة بجد والنجم محمد عبدالله أبن مدينتى وبجد فرحت ليه كتير لأنة أتعرض لهجوم من كل الناس وبجد أثبت أنه لعيب سوبر وزعلان جدا من النجم الخلوق محمد ابو تريكة اللى بعشقة على الرغم انى زملكاوى من حركتة لجمهور الزمالك بعد هدف التعادل مش انت اللى تعمل كده يا أبو تريكة لو أبراهيم سعيدولا حسام وأبراهيم حسن عملوها عمرى ما ألومهم عشان عارف أخلاقهم بس بجد نزلت من نظرى أوووى فى الحركة دية وأثبت فعلا أنك بتمثل الاخلاق على الجماهير المصرية فياريت لو كانت غلطة منك لأن كل بنى أدم لازم يغلط فياريت تعيد الصورة الحلوة لأبو تريكة فى نظر جماهير الزمالك بأنك تعتذر للجمهور ده وشكرا للزمالك فعلا على الاداء والروح ومبروك للزمالك النقطة ومبروك للأهلى النقطة بس أحب اصحح معلومة لكاتبة الموضوع أن الزمالك لو كسب ديانموز وأسيك لو حتى أتعادل مع الاهلى فى القاهرة الزمالك هيوصل تانى المجموعه بدون أى مشكله
الإثنين 15 سبتمبر 2008, 2:44 am
