www.MiLaNeStA.AhLaMoNtAdA.com
أهلا بك عزيزى الزائر فى منتديات ميلانستا أذا كانت هذة هى زيارتك الاولى لمنتدانا فحصل على حساب مجانى او اذا كنت عضو معنا فأضغط على دخول و يمكنك المشاركة معنا والاستمتاع بأقسام المنتدى

www.MiLaNeStA.AhLaMoNtAdA.com

منتدى الاغانى والالبومات الكاملة والاغانى الشعبية وبرامج الكمبيوتر والانترنت وألاخبار الرياضية والثقافية والسياسية
 
البوابةالرئيسيةس .و .جبحـثالتسجيلالأعضاءالمجموعاتدخول

شاطر | 
 

 أشهر جمل بيقولوها الاب و الام فى مصر

اذهب الى الأسفل 
كاتب الموضوعرسالة
lone life
ميلانستاوى فضى
ميلانستاوى فضى
avatar

عدد الرسائل : 225
تاريخ التسجيل : 23/06/2009

مُساهمةموضوع: أشهر جمل بيقولوها الاب و الام فى مصر   السبت 05 ديسمبر 2009, 9:25 am

امشى جاتك مشش فى ركبك .




* جتها نيلة الى عايزة خلف تيجى تتفرج .



*ذاكر ياموكوس مش فالح غير فى الهيافه والكلام الفاضى.



* ربنا يرزقك بعيل يوريك اللي ورتهوني.



* هات كيس عيش وانت راجع.



* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .



* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.



* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).


*أوعا حد يضحك عليك ويقولك جرب السيجارة دي.



*ابقى ورينى مين حينفعك فى الاخر من شوية الصيع الى انت مشيلى وراهم .



* قوم اقرا لك كلمتين ينفعوك .



* وطي المدعوق ده شويه .



* انت فاكرنا نايمين على ودانا ؟



*لما ما ترضاش تاكل في البيت:طبعا مانت اتعودت علي اكل بره .



*ياريتك تحفظ دروسك زى مانت حافظ الاغانى.



* عيـــب ... لازم تحترم اللي أكبر منك .



* لو شفت خناقه ما لكش دعوة بيها .



* كريم دا عيل بايظ وماتمشيش معاه تاني .



* مين منى دي انتى كل يوم تصاحبي واحدة جديدة ؟.



* انته مبتكلش جزر ليه .. اجيبلك برتقانه. طب كل سلطه .



* يبني بأسلوبك ده مش هتعيش معاك واحده .



* قومي ساعدي امك ده اللي هيتجوزك أمه داعية عليه.



* اوعى حد غريب يديلك حاجه تاكلها و تشربها و تاخدها منه .



* يا ابني حرام عليك الى بتعمله فينا ده.



* انا سايبالكوا البيت وماشية ومش حتشوفوا وشي تاني .



* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.



* وانت فاكر احنا مستنيين منك حاجه .



* المسلسل مش هينفعك ...قوم .



*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.



* كفايه رغي في التليفونات .



* كل على مهلك .. وامضغ كويس ... وما تكلش وانت واقف .. وكل من قدامك ما تحفش .



* اطفي التلفزيون وقوم ذاكر ولا و خش اوضتك .



* بلاش تمشى حافى البس شبشب وانته داخل الحمام .



* ما فيش مذاكرة على المزيكا .. وازاى بتذاكر و البتاع ده شغال جنبك .



* افرد ظهرك .



* لم شراباتك.



* ماتكلش فى ضوفرك.



* كنت فين لحد دلوقتى يا صايع.



* ماتتأخرش علشان عندك كلية بكرة بدرى.



* انا مش عارف انته طالع لمين.



* انا : ياماما بقه ايه ده ؟؟؟
ماما:مووو لمـا يــــــخدك .



* ادلعى ياهبة فى ايامك المهببة .


* ده منظر اودة بني آدم ، انت عايش فيها ازاي؟.



* هو انا الخدامه الى ابوكم جبهلكم .



* الى يطلع من الاوضه يطفى النور وراه .



*أبوك عندك أهو اتصرف معاه .



* اللي بيشيل قربه مخرومة بتخر عليه لوحده ..



* لو مش فاهم حاجه ارفع ايدك و قول للأستاذ مش فاهم .. متتكسفش .



* البس فنله قطن تحت ودفي سدرك ودخل التيشرت في بنطلون البيجامه وانته نايم .



* يأبنى المذاكره مابتخلص .... نفسى اشوفك مره ماسك كتاب.



* اعمل حسابك مش حندخلك جامعه خاصه.



* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .



* مالكش دعوة بالسياسة .. وماتمشيش في مظاهرات .و امشي جوا الحيط :d:d .



* احمد ربنا الاكل الى مش عجبك ده فى ناس مش لقينه .



* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .



* قومي سخني الأكل لأخوكي.



* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .


* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.



* و أخيرا ::


ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dody
مشرف عام
مشرف عام
avatar

عدد الرسائل : 163
العمر : 24
الموقع : www.milanesta.ahlamontada.com
تاريخ التسجيل : 17/12/2007

مُساهمةموضوع: رد: أشهر جمل بيقولوها الاب و الام فى مصر   السبت 05 ديسمبر 2009, 11:41 pm

ههههههههههههههههههههههههههههههههههههههه دي مش اشهر الجمل الي بتتقال ده مش بيتقال الا هي اصلن في البيت دنا حفظتهم صم مرسي يا حبيبتي على التوبيك رووووووعه زيك

_________________
والله الايام بتغير وانت طلعت في عيني صغير
وانا على ايه هسكت واتحير يلا سلااااااااااام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.milanesta.ahlamontada.com
بنت مصر
ميلانستاوى ذهبى
ميلانستاوى ذهبى
avatar

عدد الرسائل : 486
العمر : 26
الموقع : www.milanesta.ahlamontada.com
تاريخ التسجيل : 03/06/2008

مُساهمةموضوع: رد: أشهر جمل بيقولوها الاب و الام فى مصر   الأحد 06 ديسمبر 2009, 12:57 am

ده شبه يومي بتتقال وميرسي ليكي ياحببتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
lone life
ميلانستاوى فضى
ميلانستاوى فضى
avatar

عدد الرسائل : 225
تاريخ التسجيل : 23/06/2009

مُساهمةموضوع: رد: أشهر جمل بيقولوها الاب و الام فى مصر   الأحد 06 ديسمبر 2009, 1:21 am

ههههههههههههههههههههههههه لا شكر على واجب مالازم يتحفظو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yousef
ميلانستاوى جديد
ميلانستاوى جديد
avatar

عدد الرسائل : 13
العمر : 29
تاريخ التسجيل : 29/11/2009

مُساهمةموضوع: رد: أشهر جمل بيقولوها الاب و الام فى مصر   الأحد 06 ديسمبر 2009, 1:24 am

هههههههههههههههههههه ربنا يخليكي ياريهام بجد موضوعك حلو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MILANO
Admin
Admin
avatar

عدد الرسائل : 846
العمر : 29
الموقع : www.milanesta.ahlamontada.com
تاريخ التسجيل : 07/12/2007

مُساهمةموضوع: رد: أشهر جمل بيقولوها الاب و الام فى مصر   الأحد 06 ديسمبر 2009, 1:36 am

ثانكس يا قمر على الموضوع وفعلا الكلام ده بيحصل معايا بالحرف بس كان فى فترتة لما كونت صغير 17 سنة كده كنت فين يا صايع وجتها نيلة اللى عايزة خلف زيك و ذاكر ياموكوس مش فالح غير فى الهيافه والكلام الفاضى ده فعلا كلة كان بيحصل بس كان فعل ماضى دلوقتى انا بنيمهم واصحيهم من النوم بمعاد خلاص مسكت العصاية للكل

_________________


يغيب عن عينى ولكنه فى قلبى مهما اغيب عنه

وكل مابتحرم منه كل مازاد فى قلبى هـــــــــــواه
ماترجع بقى حبيبك انا والله بموت من وقتها بص فى
عنيا طيب المس ايديا مش دى اللى قولت انك بتحبها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://milanesta.ahlamontada.com
lone life
ميلانستاوى فضى
ميلانستاوى فضى
avatar

عدد الرسائل : 225
تاريخ التسجيل : 23/06/2009

مُساهمةموضوع: رد: أشهر جمل بيقولوها الاب و الام فى مصر   الأحد 06 ديسمبر 2009, 2:06 am

هههههههههههههههههههههههههههههههههههههههه ليه كده بس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أشهر جمل بيقولوها الاب و الام فى مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.MiLaNeStA.AhLaMoNtAdA.com :: أعــضـــاء مـــيــلانــســـتـا :: نكت ودردشة ميلانستا-
انتقل الى: